السلام عليكم ورحمة الله وبركاتة
مش قادرة اقولكم وحشتونى بس خلونى اقول انا وحشتنى
الايام اللى فاتت وغالبا القليلة القادمة ملونة فى قلبى بلون رمادى اكرهه
ومعنديش ادنى فكرة ليه!!!
ولأن السكاكين بتكتر لما (.......) بيقع
قرر المطرب عمرو مصطفى انه ينزل اغنية فى الألبوم الجديد اسمها علامة فى حياتك
وبمناسبة عمرو مصطفى انا من الناس اللى اصلا مفيش عمار بينى وبينه كمطرب
لكن الأغنية فجأة فى الظروف القاتمة اللى انا عايشاها تقريبا خلصت على شوية الأمل اللى كانوا عندى
الله يسامحه بقى والغريبة انى ممكن ما اسمعاش لكن هيهات ده انا ملكة تعذيب الذات لازم اكمل للآخر.....
غريبة جدا انى اكتب بوست اربط فيه بين مشاعرى وحالتى النفسية وعمرو مصطفى لكن..........!!!
هو ده اللى بفكر فيه دلوقتى وانا حبيت اتكلم بدل ما اتنقط او اتشل
4 التعليقات:
اول مرة ازور مدونتك وأول تعليق في موضوع حزين كدة ليه
:(
بس سيبك من عمرو مصطفي بقي
يارب المرة الجاية الاقي موضوع كله امل وتفاؤل
سنووايت ميرسى جدا على مرورك على المدونة العجيبة بتاعتى دى
وان شاء الله المرة الجاية اكون فى مود احسن من كده وتلاقى موضوع كله تفاؤل وأمل
مرورك اسعدنى جدا
كررى طبعا وماتخافيش مش هانكد عليكى تانى
ازيك يا سمسمة
حبيت بس أعدى و اقولك ارمى ورا ضهرك عشان مافيش حاجة تستاهل....و يعنى يخرب بيت الزعل اللى يخلليكى تسمعى عمرو مصطفى
:)
يادكتور مرورك لوحده كده على مدونتى يروق الدم وبعدين انا خلاص مش مضايقة وعلى رأيك
اياكش تولع
إرسال تعليق